هذا واحد العروبي مسافر مشى لمحطة الكيران وهي تبان ليه الكروسة ديال مول سيكوك
ضرب جوج زلايف.. بان ليه مول الديسير(بائع الفواكه) سولو بشحال التفاح
قاليه :360
وهو يقول ليه:وبزاف.. شي كليمة دالموفيد ..
مع الصباح باقي مباع والو قالو: من عندك ..
شي 60..عبر لي شي رويبعة..
طلع ليه الدم وهو يهز كيلو شير عليه طيحو كاو ..هزوه للمستعجلات دارو ليه الإسعافات الأوليه ..بدا تيسترجع الوعي ديالو..كي حل عينيه شاف الأطباء والفراملية كلشي لابس لبيض.. وبدا يغوت : واشهدو عليه أمالين سيكوك شهدوا عليه..
واحد بغا يتعرف على وحدة : قال ليها شنو الإسم الكريم ؟ قالت ليه أنا في الحقيقة سميتني سارة ولكن الدار والعائلة كووووووولهم مني كنت صغيرة تيعيطو لي سوسو .. وانت شنو سميتك ؟ قال ليها : كٌريعة ..وكانو تيعيطوا لي بوخنونة..
واحد تابعو واحد البوليسي بالجرى تاقرب ليه وهو يدخل وسط عباد الله وتفركٌع جاو السلطات بقاو تيجمعوا الأشلاء فميكات بلاستيكية.. معرفوش يفرقوبين جوج يدين ..يد ديال البوليسي ويد ديال داك الي تفركٌع ..مشابهين ومقفلو فيهم والو ..جاي غي واحد الشمكار تينفخ فميكة ممسوقش.. وقف عليهم ..ناض بوليسي وهو ينهرو :
يلاه تحرك من هنا ..ولا نيدك فين تبات ..
قال ليه : خويا..دبر على خوك فشي دوميل..
دار يده فجيبو عطاها ليه وقال له :يلاه غبر..
وهويقول ليه يتوب.. مشى لليدين بجوج وقرب ليهم الدوميل وهي يد البوليسي تخطفها ليه من يدو..كلهم قالو : هاهي..
.
